ابني قرر يدفع لابوه ومراته الجديده شهريه 10الاف جنيه فوق معاشه ..

عنها سنين.
ماما استني!
لكن منال ما وقفتش.
ركبت العربية ومشيت، وسابت وراها اتنين رجالة واحد خانها زمان، والتاني باعها وهو فاكر نفسه بيحسب بالعدل.
بعد أسبوع.
الخبر انتشر وسط العيلة كلها منال معاها 40 مليون!
فجأة، التليفونات مبقتش تسكت.
خالتها اللي مقاطعاها من 12 سنة يا بنتي وحشتيني أوي.
ابن عمها إحنا لازم نتجمع بقى بعد الغيبة دي.
حتى الجيران اللي عمرهم ما قالوا صباح الخير بقوا يبتسموا أول ما يشوفوها.
ومنال؟ كانت بتراقب كل ده بهدوء مرعب.
وفي وسط الزحمة دي عملت أكتر حاجة محدش توقعها.
اشترت بيت صغير على البحر في رأس البر.
لا قصر. ولا فيلا. مجرد بيت هادي قدام الموج.
وقالت لنفسها أنا طول عمري بصرف عمري على الناس جه الوقت أصرفه على نفسي.
وفي يوم كانت قاعدة في البلكونة تشرب شاي. لقت عربية فخمة وقفت قدام البيت.
نزلت منها شيماء.
لوحدها.
لابسة نضارة كبيرة وشنطة ماركة، لكن وشها كان متوتر.
منال حتى ما قامتش تستقبلها.
شيماء قربت وقالت بابتسامة مصطنعة عاملة إيه يا طنط؟
منال ارتشفت الشاي خير؟
شيماء قعدت قدامها وقالت بسرعة بصي يا طنط أنا جيالك بصراحة عشان أصلح اللي حصل.
منال سكتت.
شيماء بلعت ريقها حازم تعبان جدًا من يوم اللي حصل، ومبقاش بينام.
آه.
والله بيحبك.
منال رفعت عينيها لها الحب اللي بيتقاس بالفلوس يبقى اسمه مصلحة.
شيماء اتوترت لا والله بس انتي عارفة الرجالة بيتأثروا بكلام أهلهم.
منال ضحكت بسخرية يعني دلوقتي الذنب على أبوه؟
شيماء سكتت.
وبعدين قالت الجملة اللي كشفت كل حاجة بصي يا طنط بدل

ما الفلوس تروح للغريب، ما هي أولى بابنك وحفيدك.
أهو. الحقيقة ظهرت.
منال حطت كباية الشاي على الترابيزة بهدوء.
كنتي مستنية تقوليها إمتى؟
شيماء اتلخبطت أقصد يعني
لا انتي قصدك واضح.
وقامت وقفة.
اسمعيني يا شيماء. أنا حرمت نفسي من كل حاجة عشان ابني. ولما كبر، أول حاجة عملها إنه حسبني عبء.
وش شيماء بدأ يحمر.
منال قربت منها تعرفي إيه الفرق بيني وبينكم؟
إيه؟
إنكم أول ما شفتوا الفلوس نسيتوا إن اللي قدامكم إنسانة.
باب البيت خبط فجأة.
الاتنين بصوا.
ولما منال فتحت
اتصدمت.
حازم كان واقف بس مش لوحده.
كان ماسك إيد طفل صغير.
ابنه.
وحازم وشه باين عليه الانكسار الحقيقي لأول مرة.
ماما أنا جبت آدم.
الطفل أول ما شاف منال جري عليها تيتااا!
منال قلبها رعش غصب عنها.
شالته بحضن تلقائي ريحة الأطفال دايمًا بتكسر أقسى القلوب.
آدم بص لها ببراءة بابا بيعيط كل يوم عشانك.
حازم غمض عينه بإحراج.
أما شيماء فوشها اتشد، واضح إنها ماكنتش تعرف إنه جاي بالطفل.
منال نزلت آدم بهدوء.
وقالت لحازم جاي تستخدم ابنك عشان أحن؟
حازم هز راسه بسرعة لا. جاي عشان لأول مرة أفهم يعني إيه أم.
وسكت ثواني وبعدين قال
آدم سخن من يومين. وأنا وشيماء اتجننا عليه. فضلت فاكر اللي كنتي بتحكيهولي إزاي كنتي بتفضلي صاحية جنبي وأنا عيان.
صوته اتكسر افتكرت إنك عملتي ده لوحدك سنين وأنا في الآخر قيمتك بألفين جنيه.
الطفل بص لأبوه باستغراب بابا متعيطش.
ومنال رغم القسوة اللي جواها حست بشيء بيتكسر.
مش غضب. وجع.
حازم قرب خطوة أنا مش جاي أطلب فلوس. ولا شقة. أنا جاي أطلب فرصة.
فرصة لإيه؟
إنك تسامحيني.
منال بصت له طويل.
وفي اللحظة دي افتكرت ليلة المحشي. افتكرت تعبها. وإهانتها. وإزاي سابهم يكسروها.
لكنها افتكرت كمان أول مرة شالته فيها وهو رضيع. وأول يوم مدرسة. وأول مرة قالها يا أمي.
القلوب مش أبيض وأسود.
سكتت دقيقة كاملة.
وبعدين قالت
السماح حاجة والثقة حاجة تانية يا حازم.
حازم هز راسه والدموع في عينه عارف.
والثقة اللي اتكسرت بتاخد سنين عشان ترجع.
حتى لو عمري كله؟
منال بصت لحفيدها وبعدين قالت بهدوء
نشوف حازم حس إن كلمة نشوف دي، رغم قسوتها، كانت أول باب يتفتح له من يوم الليلة السودا دي.
مسح دموعه بسرعة، وقال يعني ممكن تديني فرصة؟
منال ردت بهدوء أنا مديتش فرصة لحد. أنا بس مش قافلة الباب.
شيماء كانت واقفة متضايقة، ملامحها بتقول إنها مش مستحملة المشهد كله.
لكن آدم شد جلابية منال وقال تيتا أنا جعان.
قلب منال لان غصب عنها.
يا حبيبي ماقولتش ليه من بدري؟
الولد ابتسم. وفي اللحظة دي، حازم افتكر نفسه وهو صغير نفس الابتسامة. نفس الطريقة.
منال دخلت المطبخ تعمل له أكل، وآدم جري وراها. أما شيماء فمالت على حازم وهمست بعصبية إحنا هنفضل واقفين كده؟
حازم بص لها لأول مرة بحدة لو مش عاجبك الوضع امشي.
شيماء اتصدمت بتكلمني أنا كده؟
أيوه. لأن اللي حصل لأمي كان غلط، وانتي كنتِ جزء منه.
وشها احمر بقى أنا السبب؟
إحنا الاتنين السبب.
منال كانت سامعاهم من المطبخ لكنها سكتت.
بعد شوية، حطت الأكل لآدم. الولد أكل بشهية وهو بيحكي لها عن المدرسة والكرتون اللي بيحبه.
وحازم كان قاعد يبص لأمه في صمت.
أول مرة يلاحظ إيديها قد إيه اتجعدت. وضهرها بقى محني فعلًا. والشيب اللي ظهر فجأة في شعرها.
هو كان مشغول بحياته وسايبها تكبر لوحدها.
بعد الغدا، آدم نام على الكنبة.
ومنال راحت غطته. بهدوء الأم اللي عمره ما راح.
حازم قال بصوت واطي فاكرة لما كنتي تغطيني كده؟
منال ردت وهي باصة للحفيد الأم مبتنساش.
سكت شوية وبعدين قال أنا مستعد أصلح كل حاجة.
لفت تبصله كل حاجة؟
آه.
حتى لو هتخسر ناس؟
فهم تقصد مين.
وطّى راسه لو الناس دي كانت سبب إني أخسر أمي يبقى خسارتهم مكسب.
شيماء قامت مرة واحدة قصدك إيه؟!
حازم خد نفس طويل قصدي إننا لازم نراجع نفسنا.
يعني إيه نراجع نفسنا؟
يعني اللي عملناه كان قلة أصل.
شيماء ضحكت بسخرية عشان 40 مليون جنيه صحيت ضميرك؟
الكلمة ضربت المكان كله.
حتى منال اتجمدت.
حازم بصلها بصدمة انتي فاكرة إني عشان الفلوس؟
شيماء ردت بعصبية أمال إيه؟! قبل الفلوس عمرك ما اعترضت.
سكت.
وده كان كفاية.
شيماء قربت منه أكتر بصراحة؟ كلنا اتغيرنا لما عرفنا الرقم. حتى انت.
منال حست إن السكينة اللي كانت جواها بتلف تاني.
لكن المفاجأة إن حازم قال بهدوء
أيوه. أنا اتصدمت بالفلوس. بس اللي فوقني بجد إني اكتشفت إن أمي ممكن تموت وهي حاسة إنها ملهاش قيمة.
الصمت نزل.
شيماء لأول مرة معرفتش ترد.
حازم كمل أنا كنت فاكر إني ناجح عشان بقبض كويس. بس الراجل اللي يذل أمه يبقى أفشل واحد في الدنيا.
دموع منال نزلت غصب عنها لأول مرة قدامه.
مش عشان الفلوس. ولا الكلام.
عشان أخيرًا سمعت ابنها بيحس بيها.
لكنها مسحت دموعها بسرعة وقالت الكلام سهل يا حازم.
هز راسه عارف.
والأفعال؟
هتشوفيها.
وفعلًا من اليوم ده، حاجات كتير بدأت تتغير.
أول