معيش حتى حق فنجان قهوة قالها وهو عينيه متنّحة في شاشة موبايله كأنه مستني الفلوس تقع منها ...
معيش حتى حق فنجان قهوة
قالها وهو عينيه متنّحة في شاشة موبايله، كأنه مستني الفلوس تقع منها ...
فجأة! ضحكت مش شماتة والله، على قد
ما هي صدمة بجد. بقلم منال علي
الراجل عنده ستة وأربعين سنة، ومع ذلك داخل بنفس الثقة والمنظرة بتاعة الشباب اللي بيمثلوا إنهم رجال أعمال على جروبات التعارف والزواج.
كان ممكن أعدّي حوار إنه مزنوق ماديًا عادي لحد ما قالي على الواتساب
طب إيه رأيك، بدل ما نتقابل بره، تعملي لنا لقمة حلوة في البيت وأنا أجي أتقدم لك وأقعد مع الأهل بالمرة؟
ساعتها عرفت إن الليلة دي مش هتعدّي على خير
أنا اسمي نرمين. عندي اتنين وتلاتين سنة، مهندسة ديكور. بعد سنين طحن وشغل، قدرت أشتري شقة قسط في مدينة نصر. حياتي مستقرة نوعًا ما شغل، قهوة الصبح، خروجات على القد، وسكات طويل آخر اليوم. بس ساعات الوحدة بتقرص، والزن من العيلة على الجواز بيزيد، فلقيت نفسي داخلة على جروب صالونات للزواج التقليدي على الفيس بوك من باب الفضول.. وهناك ظهر رامي.
في الصور؟
راجل شيك جدًا. شعره فيه شوية شيب مديله وقار، بدل متفصلة، ساعة شكلها غالي، وابتسامة كلها ثقة. كاتب في التعريف بتاعه رجل أعمال ومستثمر.
بعد كده طبعًا اكتشفت إن العربية اللي متصور معاها دي إيجار، والبدلة مستلفها
يا نرمين، ضحكتك دي عاملة زي شمس الشتا بعد أيام مطر.
قعدنا أسبوع كامل نتكلم شات، وبعدين كلمني في التليفون.. صوته ناعم وهادي.
وفجأة قبل المقابلة بيومين، لقيت نبرته اتغيرت وقال
يا نرمين، أنا مبسوط جدًا إننا أخيرًا هناخد خطوة....
بس بصراحة عندي شوية زنقه مادية اليومين دول. الشغل واقف، وفي سيولة متأخرة في السوق، والدنيا ملخبطة. ف يعني.. بدل ما ننزل كافيه وندفع مبالغ، إيه رأيك أجي أشرب الشاي عندكم في بيت العيلة، وتعملي لنا أكلة حلوة من إيدك ونتعرف على طول؟. بقلم منال علي
سكت شوية. مش عشان أنا مادية أو ببص للفلوس.. بس حسيت إن في حاجة غلط. راجل في سنه، وبيقول على نفسه بيزنس مان، ومن أول مقابلة مش عايز يتكلف فنجان قهوة ويدخل البيت بقرشين محترمين؟ في حاجة مش مريحة.
بس فضولي اشتغل.. هو بخيل؟ نصاب؟ ولا مجرد فاشل بيحاول يعيش في دور مش بتاعه خالص؟
قولت لنفسي وراه والزمن طويل، خلينا نشوف
رديت بهدوء تنورنا يا رامي.. بكرة الساعة سبعة تكون عند بابا في البيت، وهعملك أكلة مخصوص ينزل في قلبك.
وفورًا جاتلي فكرة الاختبار. مش
تاني يوم نزلت السوق مع ماما. لفيت شوية، لحد ما عيني وقعت على كوارع ولحمة رأس. منظرهم وهم نيين كفيل يقفل نفس أي حد عامل فيها فرفور وعايش في إيجيبت بس بيعوزوا مجهود ووقت في التنضيف والطبخ.
ابتسمت لوحدي.. خلاص، هتبقى عزومة العمر
الساعة سبعة كان كل حاجة جاهزة في بيت بابا. ريحة الشوربة الضاني المسبكة بالكوارع ولحمة الرأس مالية البيت كله، على طريقة جدتي الله يرحمها. حطينا السفرة، وجنبها العيش الناشف المحمص، والخل والثوم، والليمون والمخلل المشكل. الأكل شعبي وأصلي.. بس معمول بحرفنة ونظافة.
الجرس رن بالثانية. فتحنا الباب، لقيت رامي. في الحقيقة كان باين عليه السن والإرهاق أكتر من الصور بكتير. وفي إيده وردة واحدة دبلانة، ومعاها لفة جيلاتي من المحلات العادية اللي تحت السلم بقلم منال علي
دخل وسلم على بابا وهو بيبصلي ومبهور ياااه يا نرمين.. إنتِ أحلى بكتير من الصور. إيه الريحة القوية دي؟ عاملة إيه؟
قولتله بابتسامة اتفضل اغسل إيدك.. العشا جاهز علطول.
دخل وقعد على السفرة مع بابا. غرفت الشوربة، وأول ما البخار طلع، ريحة المصران ولحمة الرأس ضربت في النفوخ بص للطبق
هو.. هو ده إيه يا نرمين؟
قولتله بمنتهى الجدية والبرود دي شوربة كوارع مسبكة بالماسورة، ومعاها لحمة رأس ومخ.. أكل رمّ عضم وأصول، عشان تشد حيلك في الضغط المادي اللي أنت فيه.
وشه اتشد والوان طيف ظهرت عليه آه.. ما شاء الله.. بس بصراحة أنا معدتي بتتعب من الأكل التقيل ده، وبحب الحاجات الخفيفة والنواشف.
ابتسمت وقولتله ولا يهمك، دي مغسولة بخل ولمون وملح تمن مرات.. دايبة دوب، سمّي الله بس واشرب.
مسك المعلقة بالعافية، وداق أول حتة كوارع ملبّسة. وشه كان عامل زي واحد بيجاهد عشان يطلع من حفرة واضح إنه بيناضل بين البرستيج والذوق قدام بابا، وبين رغبته إنه يسيب السفرة ويجري حصري على صفحه روايات واقتباسات
قال بعد ما بلع بالعافية وعينيه دمعت من الشطة بصراحة.. طعم.. طعم دسم جدًا.. تسلم إيدك. بقلم منال علي
كنت بموت من الضحك جوايا وماما بتغمز لي من بعيد. فضل ياكل بالعافية وهو عامل نفسه هادي وراسي، لحد ما خلص طبق الشوربة بالعذاب.
وبعدين بصلي وهو بينهج وقال طيب.. وإيه بقى الطبق الرئيسي؟
وساعتها.. بدأ الجزء اللي كنت مستنياه ومغطيّاه
على السفرة ....
أكمل .....
صلوا على حبيبنا و شفيعنا محمد ﷺ
لايك و كومنت بتم وتابع الباقي في التعليقات بصيت له بهدوء
