جوزي كلمني وقالي تعالي بيت أمي.... ولما وصلت، لقيت الكل قاعد في صمت مريب..

غالبًا الطفل ده يبقى ابني أنا.
الصمت بعدها كان مرعب.
فوزية هانم شهقت وحطت إيدها على صدرها. واحد من القرايب وقع منه كباية الشاي.
أما أنا فكنت باصة للدكتور شريف كأني شوفت شبح.
لأن آخر مرة شوفته فيها كانت من سبع سنين.
يوم ما صحيت في المستشفى بعد الحادث وقالولي إن في عملية نقل دم واتدخلات طبية حصلت وأنا فاقدة الوعي.
ووائل صرخ إنت بتقول إيه؟!
لكن الدكتور شريف كان مركز عينه على ياسين ووشه شاحب بشكل غريب.
وقال بهدوء قبل ما تتهموا نورا بالخيانة لازم تعرفوا إن فيه سر محدش يعرفه عن ليلة الحادثة وائل قرب منه بعصبية، صوته بقى عالي لأول مرة سر إيه؟! أنت داخل بيتي تتكلم بالألغاز بعد ما مراتي اتفضحت قدام عيلتي؟!
الدكتور شريف بلع ريقه وبصلي بنظرة كلها ذنب أنا ماكنتش ناوي أتكلم أبدًا لكن لما عرفت إنكم عملتوا تحليل DNA فهمت إن الكارثة وصلت.
فوزية هانم صرخت حد يفهمنا! الراجل ده بيقول إيه؟!
الدكتور شريف سحب نفس طويل وقال نورا بعد الحادثة دخلت العمليات وهي في حالة حرجة جدًا وكان فيه حمل في أسبوعه الأول.
بصيتله وأنا مش مستوعبة حمل؟!
هز راسه ببطء أيوه لكن بسبب النزيف والإصابات، حصل إجراء طبي طارئ وقتها.
وائل قرب أكتر ادخل في الموضوع!
سكت ثانية ثم قال
في الليلة دي، حصل خطأ طبي.
الأوضة كلها اتجمدت.
كان فيه حالتين في نفس الوقت داخلين عمليات أطفال أنابيب وتم تبديل العينات بالغلط.
قلبي بدأ يدق بعنف.
والجنين اللي كبر جوه نورا ماكانش من البويضات المخصبة الخاصة بيكم.
شهقة جماعية طلعت في الصالون.
وأنا حسيت رجلي مش شايلاني.
وائل بصلي بصدمة يعني إيه؟
الدكتور شريف قال بصوت مكسور يعني نورا ماخانتكش وياسين اتولد بسبب خطأ من المستشفى.
فوزية هانم اتراجعت تقعد وهي حاطة إيدها على بقها.
لكن الصدمة الأكبر لسه ماجتش.
لأن الدكتور شريف كمل وهو بيبص لياسين والعينة التانية كانت تخصني أنا وزوجتي.
سكت. ثم قال بصوت واطي
وياسين ابني البيولوجي.
في اللحظة دي، وائل فقد أعصابه تمامًا.
مسك الدكتور شريف من ياقة قميصه وزقه بعنف إنت مجنون؟! داخل تقول إن ابني يطلع ابنك؟!
ياسين انفجر في العياط من الخضة، وتعلّق في رقبتي وهو بيرتعش.
صرخت سيبه يا وائل!
لكن وائل كان منهار. مش قادر يفرق بين الغضب والوجع والصدمة.
وفجأة صوت ضعيف طلع من آخر الصالون
يبقى حفيدي مات؟
الكل سكت.
كانت والدة الدكتور شريف، ست كبيرة قاعدة على كرسي بعيد، محدش كان واخد باله منها. دموعها كانت نازلة وهي باصة لياسين.
وقالت برجفة الطفل اللي استنيته سنين عاش بعيد عني كل ده؟
لكن الدكتور شريف غمض عينه بألم وقال لا يا أمي ابننا الحقيقي مات بعد الولادة بيومين.
الأوضة كلها غرقت في صدمة أبشع من الأولى.
أما أنا فكان حضني مشدود على ياسين بجنون.
لأن الحقيقة الوحيدة اللي كنت متأكدة منها وسط كل الكوابيس دي
إن الطفل ده ابني أنا. حتى لو الدنيا كلها قالت غير كدة وائل ساب ياقة الدكتور شريف ببطء كأن قوته كلها اتسحبت منه فجأة.
رجع خطوتين لورا وقعد على الكنبة وهو حاطط إيده على راسه، وعينيه مثبتة على ياسين اللي بيعيط في حضني.
أول مرة أشوفه بالشكل ده. مكسور بالكامل.
فوزية هانم كانت لسه تحت تأثير الصدمة، تبص للدكتور شريف شوية، ولياسين شوية، وكأنها مش عارفة تكره مين دلوقتي.
أما أنا فكنت حاسة إن قلبي بيتقطع من جوه.
مش بسبب التحليل. ولا بسبب كلام الناس.
بسبب إن ابني، الطفل اللي ربيته يوم بيوم، بقى فجأة قضية.
الدكتور شريف طلع ملف قديم من شنطته الجلد وحطه على الترابيزة. إيده كانت بتترعش.
أنا جبت كل حاجة التقارير، أسماء الأطباء، نتائج التحقيق الداخلي اللي المستشفى دفنته.
وائل رفع عينه ببطء إنت عرفت إمتى؟
سكت شريف لحظة، ثم قال من سنة.
شهقت سنة؟! وساكت؟!
بصلي بعذاب مراتي كانت بتموت بالسرطان وكانت متعلقة بفكرة إن ياسين عايش وسعيد. خافت لو دخلنا حياتكم ندمرها.
سكت ثم كمل بصوت مبحوح وماتت من شهر.
الأوضة سكتت تاني.
حتى فوزية هانم مقدرتش تتكلم.
الدكتور شريف طلع صورة صغيرة من الملف. صورة ست شاحبة على سرير مستشفى مبتسمة وهي ماسكة صورة لياسين من بعيد.
كانت بتتابعه من غير ما تقرب عيد ميلاده الأول، أول يوم مدرسة، حتى فيديوهات قصيرة كانت بتوصلها.
حضنت ياسين أكتر بغريزة خوف.
قلت بسرعة محدش هياخده مني.
الدكتور شريف رفع إيده فورًا وأنا عمري ما هعمل كدة.
لكن وائل انفجر فجأة بس هو مش ابني!
الجملة دي خلت ياسين يبصله بعيون مليانة خوف.
ولأول مرة الولد قال بصوت متقطع
بابا أنا عملت حاجة وحشة؟
الصمت بعدها كان قاتل.
وائل بصله وبعدين انهار.
انهار حرفيًا.
ركع على ركبته قدام الطفل، ودموعه نزلت لأول مرة من يوم ما عرفته.