يا ابووووي

سعيد للغايه وذاتاً اسماعيل والد غسان فكان يشعر بشعور مريح من ناحية هذا الزواج على الرغم من انه خسر ابنه الصغير بسبب التار ولكن.... ها قد تتصلح الامور....
المأذون بارك الله لهما وبارك عليهما وجمع بينهما في خير 
اسماعيل مبروك يا حج صبحي.... مبروك يا ولدي
شبل يبارك فيك يا ابوي.
اسماعيل يلا يا ولدي خش لعروستك
ولكن قبل ان يدخل جائه احد رجاله وهمس في أذنه ببعض الكلمات
غسان بسرعه ابوي.... فض الليله انا لازم امشي دلوقتي.... مصيبه...
مين متحمس يكملها سيب لايك وكومنت 
وصلى على النبىغسان اتجمد مكانه، وبص لراجلُه بحدة مصيبة إيه؟! اتكلم عدل!
الراجل بلع ريقه بخوف رجالة العزايزة ظهروا عند حدود الأرض يا غسان بيه ومعاهم سلاح وبيقولوا الليلة مش هتعدي على خير!
اتحولت ملامح غسان في ثانية، واختفت لمعة الفرحة من عيونه الرمادية، وبقى وشه جامد بشكل يخوف أما إسماعيل فقام بسرعة استغفر الله العظيم مش وقته الكلام ده يا ولدي الليلة فرحك!
غسان ضغط على فكه بعصبية والعار كمان مينفعش نسكته يا بوي.
في الداخل كانت نجاة قاعدة وسط البنات، ولسه ابتسامتها مرسومة، فجأة لقت صوت الرجال برا عالي بشكل غريب والرقص وقف مرة واحدة.
نجاة بقلق في إيه؟
سميّة حاولت تبتسم مفيش يا بتي دي رجالة وبتزعق لبعضها عادي.
لكن قلب نجاة انقبض خصوصًا لما شافت رشا بتبتسم بخبث لأول مرة من أول الليل.
رشا بهمس لأمها أهو بدأنا بقى
الأم بخبث اصبري الليلة طويلة.
في الخارج غسان كان واقف يلبس سلاحه تحت العباءة بسرعة، وسلمان ماسك طرف جلابيته بخوف.
سلمان بعين دامعة رايح فين يا ابوي؟
غسان نزل لمستواه وربت على شعره مشوار صغير وراجع يا بطل.
سلمان بصوت مهزوز بس دي ليلة نجاة
اتخبط قلب غسان أول ما سمع اسمها منه وبص ناحية البيت للحظة كأنه نفسه يدخل يشوفها حتى لدقيقة.
لكن الراجل قرب تاني لازم نتحرك حالًا.
غسان زفر بعنف، ثم دخل البيت بسرعة وسط دهشة الكل.
النساء سكتت أول ما دخل أما نجاة فشهقت بخضة أول ما شافته داخل بالسلاح فوق كتفه.
غسان وقف قدامها مباشرة ولأول مرة من ساعة ما عرفته شافت في عيونه خوف حقيقي.
نجاة قامت بتوتر في إيه؟
غسان بصوت واطي عندي شغل ضروري ولازم أمشي حالًا.
نجاة حست إن الدنيا لفت بيها يعني هتمشي؟ دلوقتي؟
غسان سكت ثواني ثم مد إيده ومسكلها إيدها لأول مرة.
الكل اتفاجئ حتى رشا اتجمدت من المنظر.
غسان وهو باصصلها بتركيز اسمعيني زين يا نجاة من النهارده انتي مرّتي ومهما حصل برا محدش يقدر يقربلك طول ما اسمك على اسمي فاهمة؟
احمرت عيون نجاة بالدموع وهزت رأسها بصعوبة فاهمة
سلمان جري عليهم فجأة وحضن نجاة متزعليش يا ماما ابوي قوي وهيجي بسرعة.
أول ما قال ماما قدام الناس كلها شيء غريب لمس قلبها.
حضنته بسرعة وكأنها بتحتمي فيه هو كمان.
غسان ابتسم رغماً عنه ثم قرب من نجاة أكثر وهمس اوعي تخافي ولو اتأخرت نامي وانتي مطمنة.
نجاة همست بخوف ترجعلي بالسلامة
نظر لها غسان للحظات وكأنه مش قادر يبعد عينه عنها.
لكن فجأة دوّى صوت رصاصة قوية جدًا بالخارج!
واتحول الفرح كله لصريخ
وأحد الرجال دخل يجري وهو بيصرخ غسان بيه!!! الحق!!! النار ولعت في المخزن!!غسان لف بسرعة ناحية الباب، وملامحه اتحولت لوحش حقيقي أما إسماعيل فزعق برجالته خدوا الحريم لجوا بسرعة!
في ثانية اتحول الفرح لفوضى صوت صريخ النساء، وعيال بتعيط، ورجالة بتجري بالسلاح.
نجاة اتشبثت في إيد سلمان بخوف، والولد كان مرعوب لكنه بيحاول يبان قوي.
سلمان بصوت مرتعش ماما في حرب؟
نجاة حضنته بسرعة لا يا حبيبي متخفش.
لكن الحقيقة إنها هي نفسها كانت بترتعش.
غسان كان لسه هيخرج، وفجأة حس بحد ماسك طرف عباءته لفّ لقى نجاة.
كانت عيونها مليانة خوف بشكل وجعه لأول مرة.
نجاة بصوت مكسور متسبنيش لوحدي
الكلمة ضربت قلبه بعنف.
غسان قرب منها خطوة، وبص حواليه بسرعة، ثم فك خنجر صغير من وسط حزامه ومده ليها.
نجاة اتفاجئت ده ليه؟
غسان بجدية مخيفة لو أي حد غريب قربلك اضربيه من غير تفكير.
شهقت صباح يا ساتر يا رب!
أما رشا فكانت واقفة بعيد تراقبهم والنار بتاكل قلبها قبل ما تاكل المخزن.
رشا بغل عمره ما بصلي كده
الأم همست بسرعة ركزي يا بت! دلوقتي وقتنا.
وبالفعل وسط الزحمة، الأم تسللت ناحية غرفة نجاة اللي فوق.
في الخارج النار كانت مولعة فعلًا في مخزن الغلال، والرجالة بتحاول تطفي، لكن واضح إن الموضوع متدبر.
شبل قرب من غسان دي مش صدفة دي رسالة.
غسان وهو يعمر سلاحه عارف مين وراها.
وفجأة خرج صوت طلقة تانية!
لكن المرة دي كانت أقرب قريبة جدًا من البيت.
إسماعيل بصريخ غسان! حد دخل السرايا!
اتسعت عيون غسان بجنون، وجرى ناحية الداخل بسرعة مرعبة.
في نفس اللحظة كانت نجاة بتحاول تهدي سلمان، قبل ما تسمع صوت حركة وراها.
لفت بسرعة
واتصدمت لما شافت أم رشا قدامها، ومعاها منديل غريب في إيدها.
نجاة باستغراب في حاجه يا خالتي؟
الست ابتسمت ابتسامة باردة قربت بيها منها تعالي يا حبيبتي بس هشمّك حاجة صغيرة تهدي أعصابك
نجاة قلبها اتقبض فجأة.
وقبل ما تلحق تبعد الست هجمت عليها بالمنديل!
لكن فجأة سلمان عض إيد الست بكل قوته وهو يصرخ ابعدي عن ماماااااااا!!! صرخت الست بألم وهي تزق سلمان بعنف يا ابن الكلب! عضيتني!
لكن سلمان وقف قدام نجاة وهو فاتح دراعاته الصغيرة، وعيونه مليانة دموع وخوف محدش يلمس ماما!
نجاة كانت مصدومة قلبها اتقبض من منظر الطفل وهو بيحاول يحميها.
وفي اللحظة دي دخل غسان كالعاصفة.
أول ما شاف المنظر وشاف أم رشا ماسكة المنديل، وسلمان واقع على الأرض بعد الزقة
اتفجرت عيونه بغضب مرعب.
غسان بصوت هز المكان بتعملي إيه يا ولية انتي؟!
الست اتلخبطت لا لا يا ولدي أصل البت كانت تعبانة و
لكن غسان شدها من دراعها بعنف خلاها تصرخ كدابة!
رشا جريت بسرعة سيب أمي يا غسان!
غسان لف لها بنظرة خلتها تتجمد مكانها انتي كمان كنتِ عارفة؟!
رشا بدأت تعيط والله ما كنت أعرف حاجة!
لكن سلمان صرخ وهو بيعيط هما كانوا هيخطفوا ماما يا ابوي! 
الصمت نزل على المكان كله
إسماعيل دخل بسرعة بعد ما سمع الصوت في إيه؟!
غسان رمى المنديل على الأرض قدامه شوف البلاوي اللي دخّلتها بيتك يا بوي!
إسماعيل شم المنديل للحظة، ثم اتبدلت ملامحه مخدر؟!
صباح شهقت وهي تحضن نجاة يا نهار اسود!
نجاة كانت واقفة جسمها بيترعش وعينيها على غسان.
أول مرة تحس إن فيه حد ممكن يحارب الدنيا كلها عشانها.
غسان قرب من سلمان أولًا، شاله من على الأرض بحنان انت كويس يا بطل؟
سلمان هز رأسه بسرعة، ثم حضن رقبة أبوه خوفت على ماما
غسان بصلو للحظة ثم بصلها هي.
الكلمة دي عملت حاجة جواه غريبة.
ماما
نجاة دموعها نزلت غصب عنها.
أما رشا فكانت واقفة تبص عليهم بنار بتاكلها من جوا.
الأم صرخت فجأة ايوه! كنت عايزة أخوفها تمشي! عشان بنتي أولى بيك منها!
الجميع اتصدم.
رشا شهقت يمّا اسكتي!
لكن الست كانت انهارت من يوم ما دخلت البيت وانتي هتموتي من القهر! وهو لا عمره بصلك ولا حبك! أول ما شاف البت دي نسيكي كأنك خدامة!
غسان شد فكه بغضب اخرسي.
الست كملت بجنون دي هتاخده منك! وهتاخد الواد كمان! شوفت ابنك بيحضنها ازاي؟!
هنا غسان قال جملة خلت