زعيم المافيا استخبى جوه قصره عشان يختبر خطيبته..
رد
دانيال!
اتحرك ناحية الصوت بسرعة.
بس فجأة
الأنوار قطعت.
وصوت آدم ملأ المكان
كنت متأكد إنك هتيجي
النور رجع فجأة.
آدم واقف في الدور التاني باصص عليهم من فوق.
زمان كنت أضعف منك قالها بهدوء، دلوقتي أنا اللي ماسك اللعبة.
دانيال رفع عينه
فين هي؟
آدم ابتسم
قريبة بس السؤال تستاهل تخاطر بكل حاجة عشانها؟
دانيال رد من غير تفكير
آه.
الصمت لحظة
وبعدين آدم صفق بإيده.
نور اتفكت ووقعت على الأرض.
راجلين سابوها ومشيوا.
دانيال جري عليها فورًا
إنتي كويسة؟
نور بصت له عينيها فيها دموع بس ابتسمت
كنت عارفة إنك هتيجي.
فجأة
صوت عداد بدأ يعد
تيك تيك تيك
رامي صرخ
قنبلة!
آدم ضحك من فوق
قولتلك اللعبة لسه في الأول!
دانيال شال نور بسرعة
اجري!
الجري صدى الخطوات العدّاد بيقرب من الصفر
5 4 3
خرجوا برا المخزن في آخر لحظة
وانفجار ضخم هز المكان.
النار ولعت والدخان ملأ السما.
نور كانت بتترعش
دانيال حاطط إيده عليها يحميها.
رامي بص وراه
هرب.
دانيال عينيه على النار
لأ
سكت لحظة وبعدين قال
بس المرة دي هو اللي هيغلط.
نور بصت له
الموضوع مش هيخلص بسهولة صح؟
دانيال رد بهدوء بس فيه نار
لا بس أنا كمان مش هسيبه.
وبص لها نظرة مختلفة
وأي حد يقرب منك تاني مش هيعيش يكررها.
بعيد في مكان تاني
آدم كان بيتفرج على الانفجار من شاشة.
ابتسم
ابتدينا يا دانيال
والحكاية لسه فيها حسابات كتير مفتوحة الدخان كان لسه طالع من المخزن
بس عين دانيال ما كانتش على النار.
كانت على اللعبة.
آدم مش هدفه يقتلنا دلوقتي قالها بهدوء.
رامي بصله
أمال إيه؟
يكسرني حتة حتة.
رجعوا القصر.
الحاجة صفية أول ما شافت نور
كنت حاسة إن قلبي اتخطف.
نور دموعها نزلت
أنا كويسة يا حاجة
دانيال وقف شوية يتفرج عليهم
وبعدين لف لرامي
الأمن يتضاعف وكل اللي بيخش القصر يتراجع تاريخه من أول وجديد.
تمام.
وآدم
سكت لحظة وعينه بقت حادة
أنا اللي هدور عليه بنفسي.
ليلًا
نور كانت قاعدة لوحدها في الجنينة.
مش خايفة
بس بتفكر.
دانيال قرب بهدوء
مفروض ترتاحي.
نور
إنت متعود على ده صح؟
على إيه؟
إن حياتك تبقى خطر طول الوقت.
دانيال سكت وبعدين قال
كنت فاكر ده طبيعي لحد ما دخلتي حياتي.
نور ابتسمت بخفة
وأنا قلبت الموازين؟
أيوه.
قرب خطوة
وبقيت أخاف مش على نفسي.
نور قلبها دق بس حاولت تفضل ثابتة
يبقى لازم تخلص الموضوع ده بسرعة.
وهخلصه.
تاني يوم
معلومة وصلت لرامي.
في واحد شاف آدم في مكان اسمه المنطقة الصناعية القديمة.
دانيال قام فورًا
نطلع.
المكان كان شبه مهجور
مصانع قديمة حديد صديان وسكون غريب.
دخلوا بحذر.
فجأة
صوت تصفيق.
سريع كده لقيتني؟
آدم ظهر من الضلمة لوحده المرة دي.
دانيال وقف قدامه
المرة دي مفيش هروب.
آدم ابتسم
إنت لسه فاكر إن دي مطاردة؟
أمال إيه؟
دي تصفية حساب.
سكت لحظة وبعدين صوته بقى أعمق
إنت أخدت كل حاجة الفلوس النفوذ حتى الناس اللي كانت ليا.
دانيال رد ببرود
إنت اللي خنت.
وأنت اللي حكمت عليا بالموت.
صمت تقيل وقع بينهم.
فجأة
آدم طلع سلاح.
رامي رفع سلاحه فورًا.
بس دانيال رفع إيده
سيبه.
بص لآدم
خلصها.
آدم إيده كانت بترتعش
الغضب في عينيه بس كمان حاجة تانية شك.
اضرب. دانيال قالها بثبات.
ثانية
اتنين
ثلاثة
آدم ضغط الزناد
كليك
مفيش رصاصة.
اتصدم.
دانيال ابتسم ابتسامة خفيفة
أنا مش بلعب فاكر؟
رامي كان لف من وراه وسحب السلاح من غير ما ياخد باله.
آدم رجع خطوة لأول مرة الخوف ظهر في عينه.
انتهت. دانيال قالها.
بعد شوية
آدم متسلم.
رجالة دانيال واخدينه.
رامي سأل
نخلص عليه؟
دانيال سكت
بص لآدم وبعدين قال
لا.
رامي اتفاجئ
ليه؟
عشان الفرق بيني وبينه إني مش بقتل لمجرد الانتقام.
قرب من آدم وقال بهدوء
إنت اخترت طريقك واستحمل نتيجته.
بعد أيام
القصر رجع هادي.
المرة دي بجد.
نور كانت واقفة في نفس المكان في الجنينة
بس المرة دي مش لوحدها.
دانيال وقف جنبها.
خلصت.
نور بصت له
وأنت؟
ابتديت.
سكت لحظة وبعدين قال
نور أنا مش راجل سهل وحياتي مش هتبقى سهلة.
نور ابتسمت
ولا أنا ضعيفة.
بصوا لبعض
المرة دي من غير خوف ولا شك.
الحاجة صفية كانت بتتفرج من
دانيال أخيرًا فهم الدرس
مش كل اللي بيلمع ده دهب
ومش كل اللي بسيط قليل.
وأحيانًا
أغلى حاجة في حياتك
بتكون قدامك طول الوقت
بس محتاجة قلب يشوفها
