زعيم المافيا استخبى جوه قصره عشان يختبر خطيبته..
المحتويات
النهارده مش ممرضة هنا وبس.
نور اتلخبطت
يعني إيه؟
يعني انتي من أهل البيت.
سكت لحظة، وكمل بصوت أهدى
وأي حد يقرب منك أو من أمي يبقى بيقرب مني أنا.
نور عينيها لمعت مش من الفرح بس من الإحساس بالأمان اللي عمرها ما عرفته.
الحاجة صفية بصت عليهم وابتسمت ابتسامة عارفة كل حاجة.
وقالت بهدوء
أهو كده شفت الصح أخيرًا يا ابني.
ودانيال، لأول مرة من سنين
حس إنه كسب حاجة أهم من السلطة والفلوس.
كسب إنسان يستاهل الأيام اللي بعد اللي حصل كانت هادية بشكل غريب.
القصر اللي كان مليان تمثيل بقى فيه صدق لأول مرة.
ريهام اختفت من حياة دانيال كأنها ما كانتش موجودة أصلًا
وياسر؟ محدش بقى يسمع عنه حاجة.
بس التغيير الحقيقي كان جوا القصر.
نور بقت تتحرك براحتها
مش بخوف ولا حذر زي الأول.
بس برضه ما اتغيرتش.
لسه بتصحى بدري تحضر دوا الحاجة صفية بنفسها
تقعد معاها بالساعات وتضحكها على حاجات بسيطة.
الحاجة صفية بقت أحسن شوية
مش عشان العلاج
عشان الونس.
وفي يوم
دانيال دخل الأوضة لقاهم بيضحكوا.
وقف على الباب ساكت بيتفرج.
نور كانت بتحكي حاجة، وإيديها بتتحرك بحماس
والحاجة صفية بتضحك من قلبها.
المنظر شده
يمكن لأول مرة يشوف حاجة طبيعية في بيته.
خبط خفيف ودخل.
نور قامت بسرعة
تحب أشوف لك حاجة؟
لأ اقعدي.
اتكسفت شوية بس قعدت.
دانيال بص لأمه
شكلك مبسوطة.
الحاجة صفية ردت وهي مبتسمة
عشان ربنا بعتلي بنت بجد.
نور وشها احمر
أنا بعمل واجبي بس.
دانيال رد بهدوء
لو كل الناس بتعمل واجبها زيك الدنيا كانت بقت أحسن بكتير.
سكت لحظة وبعدين قال
نور، ممكن أتكلم معاكي شوية؟
في الجنينة
الجو كان هادي، والهوا خفيف.
نور كانت متوترة
في حاجة حصلت؟ أنا قصّرت في حاجة؟
دانيال هز راسه
العكس تمامًا.
بص لها مباشرة
أنا طول عمري بعرف أقيّم الناس
ابتسم بسخرية خفيفة
بس الغريب إني شفت كل حاجة إلا أهم حاجة.
نور سكتت مش فاهمة.
إنتي.
الكلمة وقعت بهدوء بس تقيلة.
نور اتوترت أكتر
أنا؟
أيوه. كنتي قدامي كل يوم بس أنا ما شفتكيش.
قرب خطوة بسيطة
لحد اليوم اللي وقفتي فيه تدافعي عن أمي من غير ما تستني مقابل.
نور بصت في الأرض
ده طبيعي
لأ. مش طبيعي.
سكت وبعدين قال بصراحة
أنا عايز أديكي فرصة بس المرة دي، من غير تمثيل من غير أقنعة.
نور رفعت عينيها ببطء
فرصة لإيه؟
دانيال خد نفس
إننا نبدأ حاجة حقيقية.
القلب بتاعها دق بسرعة.
بس قالت بهدوء، رغم الارتباك
إنت راجل كبير وأنا مجرد ممرضة.
دانيال رد فورًا
إنتي إنسانة وده أهم عندي من أي حاجة.
سكتت لحظة
بتفكر بتوزن الكلام.
أنا مش عايزة أبقى بديلة لحد.
الكلمة كانت واضحة وصريحة.
دانيال هز راسه
ولا أنا عايز كده.
بص لها بثبات
أنا عايزك إنتي.
من بعيد
الحاجة صفية كانت واقفة في الشباك، بتتفرج عليهم.
ابتسمت وقالت لنفسها
القلب اللي يعرف الطيب عمره ما يختار غلط مرتين.
بس القصة ما خلصتش هنا.
لأن الماضي
عمره ما بيسيب حد بسهولة.
وفي نفس الليلة
موبايل دانيال رن.
رقم غريب.
رد بهدوء
أيوه.
الصوت اللي رد عليه خلا ملامحه تتجمد
فاكرني يا دانيال؟ ولا نسيتي بسهولة زي ما نسيت شريكك القديم؟
ثانية صمت
وبعدين دانيال قال بصوت تقيل
إنت المفروض تكون ميت.
الرد جه بضحكة باردة
واضح إن في مفاجآت لسه جاية ليك وللي حواليك.
الخط اتقفل.
دانيال بص قدامه وعينيه بقت أغمق.
ولأول مرة من بعد اللي حصل
الخطر رجع يخبط على بابه تاني.
يتبع دانيال فضل واقف مكانه شوية الموبايل في إيده وعقله بيلف بسرعة.
الصوت ده مستحيل يكون غلط.
آدم همس باسمه وكأن الماضي رجع قدامه فجأة.
رجع القصر، ملامحه رجعت قاسية زي زمان.
رامي كان مستنيه
في حاجة حصلت؟ وشك مش مريحني.
دانيال رد باختصار
اقفل القصر كويس محدش يدخل ولا يخرج من غير إذني.
رامي فهم فورًا إن الموضوع كبير
مين؟
واحد كنت فاكر إنه انتهى.
في نفس الوقت
نور كانت في أوضة الحاجة صفية، بتحاول تنيمها.
بس الست الكبيرة كانت حاسة إن في حاجة غلط.
دانيال اتغير فجأة صح؟
نور ترددت وبعدين قالت
في مكالمة جتله ومن ساعتها وهو مش طبيعي.
الحاجة صفية غمضت عينيها لحظة
يبقى الماضي رجعله.
في مكتب دانيال
فتح درج قديم وطلع ملف متقفل من سنين.
اسم واحد مكتوب عليه
آدم الشامي
شريكه القديم
والراجل اللي خانُه من سنين وحاول يقتله.
آخر خبر وصل لدانيال إن آدم مات في انفجار.
بس واضح إن الحقيقة كانت غير كده.
في نفس اللحظة
برا القصر
عربية سودا وقفت على بعد مسافة.
جواها راجل قاعد في الضلمة عينه على بوابة القصر.
ابتسم ابتسامة باردة
وحشتني يا دانيال
تاني يوم
نور كانت خارجة من القصر تشتري علاج للحاجة صفية.
دانيال وقفها
استني.
ناولها كارت
أي حاجة تحتاجيها هتتجاب مش لازم تنزلي.
نور استغربت
أنا متعودة
الوضع اتغير.
نظراته كانت جدية زيادة عن اللزوم.
نور بدأت تقلق
في خطر؟
سكت لحظة وبعدين قال
ممكن.
نور بلعت ريقها بس قالت بثبات
طب وأنا هفضل جنبكم.
دانيال بص لها شوية
واضح إنه مش عايزها تتورط.
أنا ممكن أبعدك عشان أحميكي.
نور هزت راسها
وأنا ممكن أفضل عشان أقف جنبكم.
الصمت بينهم كان تقيل بس مفهوم.
بعدها بساعتين
باب القصر خبط.
رامي راح يفتح
لقى بوكس كبير متساب قدام الباب من غير حد.
دانيال! صرخ.
دانيال نزل بسرعة.
البوكس كان عليه ورقة
هدية رجوع
رامي قال بقلق
نفتحه؟
دانيال عينيه ضاقت
استنى.
قرب ببطء فتحه بحذر
جوا البوكس
موبايل.
شغال.
والفيديو فيه شغال لوحده.
على الشاشة
نور.
مربوطة
الفيديو واضح إنه متصور من دقايق!
صوت آدم جه من التسجيل
اختار يا دانيال الماضي ولا الحاضر.
الصورة قطعت.
القصر كله اتجمد.
رامي بص لدانيال بصدمة
إزاي؟! دي كانت هنا من شوية!
الحاجة صفية صرخت من فوق
نووور!
دانيال
وشه اتحول لحاجة مرعبة.
الغضب بس المرة دي ممزوج بخوف حقيقي.
قبض على الموبايل لدرجة إنه كاد يتكسر.
وقال بصوت منخفض مرعب
اللعبة ابتدت
رفع عينه لرامي
جهّز العربية.
ثانية وسكت
وبعدين قال جملة واحدة بس
هرجّعها حتى لو هدمر الدنيا كلها.
بعيد في مكان مجهول
نور بدأت تفوق.
إيدها مربوطة والمكان ضلمة.
وصوت خطوات بيقرب.
نور قلبها بيدق بسرعة
والباب اتفتح ببطء.
نور رفعت عينيها
واتصدمت.
إنت؟!
يتبع نور كانت بتبص قدامها وعينيها متسعة من الصدمة
إنت؟!
الشخص وقف في النور نص وشه بس ظاهر
ابتسم ابتسامة هادية بس مرعبة
وحشتيني؟
نور هزت راسها بعدم استيعاب
إنت كنت بتيجي القصر!
آه بس محدش بياخد باله من الناس اللي زيي.
كان واحد من العمال المؤقتين اللي كانوا بييجوا يصلّحوا حاجات بسيطة
وشه عادي جدًا لدرجة إنه ما يتلاحظش.
نور فهمت فورًا
إنت تبع آدم.
ابتسم أكتر
شطرة.
في القصر
دانيال كان راكب العربية، عينيه على الطريق بس عقله في حتة تانية.
آدم مش بيلعب قالها بصوت واطي.
رامي سأله
معاك خيط نبدأ منه؟
دانيال رد
الفيديو.
فتح الموبايل تاني وبدأ يركز في كل تفصيلة.
خلفية باهتة صوت مروحة نور ضعيف
وبعدين وقّف الصورة.
رجّع هنا.
رامي بص
إيه ده؟
صوت قطر
فعلاً في الخلفية كان فيه صوت معدية أو قطر بيعدي.
دانيال ابتسم ابتسامة خفيفة
يبقى مش بعيد
في المكان المجهول
نور حاولت تهدى.
إنتوا عايزين إيه؟
الراجل قرب منها
مش أنا اللي عايز آدم هو اللي بيلعب.
ودانيال هيلاقيكوا.
ضحك
وده المطلوب.
بعد نص ساعة
العربية وقفت قدام مخزن قديم على أطراف المدينة.
صوت الحديد نفس الصدى نفس الجو.
دانيال نزل من غير تردد.
رامي قال
ممكن يكون فخ.
دانيال رد ببرود
أكيد فخ.
وبعدين كمل
بس أنا مش جاي ألعب.
جوا المخزن
الهدوء قاتل.
كل خطوة بتعمل صدى.
نور! دانيال نادى.
صوت خفيف
متابعة القراءة
