قبل فرحي حكايات ميراا حصري

ما ألحق أسأله، ظهر ناثان عند آخر الممر.
أدريان شافه.
وتجمد.
ناثان قال
خلاص يا أدريان. الوقت انتهى.
كولين بصت له برعب.
إنت هنا إزاي؟
ناثان تجاهلها، وبصلي.
تعالي معايا.
أدريان صرخ
لأ!
لكن ناثان ابتسم وقال
اسألي أمك عن اللي حصل قبل الحادث.
اتصدمت.
أمي؟
رد
أيوه لأن كولين مش أم أدريان الحقيقية.
وش أدريان فقد لونه.
كولين بدأت تبكي.
أما أنا، فحسيت إن سر التابوت أكبر بكتير مما تخيلت.
وفجأة ناثان طلع صورة قديمة من جيبه ومدها لي.
في الصورة كان فيه ثلاثة أشخاص
أدريان
إلياس
وكولين.
قلبت الصورة.
كان مكتوب عليها تاريخ قبل سبع سنين.
وتحت التاريخ جملة واحدة
قبل ما يختفي الابن الحقيقي بدأت الخطة.
رفعت عيني لأدريان.
ابن مين إنت؟الجزء الخامس
بصيت لأدريان، وأنا مستنية إجابته.
ابن مين إنت؟
أدريان فتح بُقه، لكنه ما قدرش ينطق.
كولين كانت بتعيط بصمت.
أما ناثان، فكان واقف بعيد، مستني اللحظة دي من سنين.
قرب أدريان مني خطوة وقال
أنا ابن كولين.
هزيت رأسي.
كدب.
اتصدم.
قلت
إنت بنفسك كنت بتقول إن أبوك مات وإنت صغير، وإن أمك ربتك لوحدها.
رد بسرعة
لأنها الحقيقة.
ناثان ضحك بسخرية.
لأ دي الحقيقة اللي كولين اخترعتها.
كولين صرخت
ناثان، كفاية!
ناثان بص لها وقال
سبع سنين وإنتِ ساكتة. مش كفاية؟
أنا بصيت بينهم.
سبع سنين على إيه؟
ناثان مد إيده بصورة تانية.
الصورة كانت قديمة جدًا.
ظهر فيها رجل شاب شبه أدريان بشكل مرعب.
لكن تحت الصورة كان مكتوب
دانيال مورغان والد إلياس.
اتسمرت مكاني.
دانيال مورغان؟
ناثان هز رأسه.
أيوه.
وبعدين بص لأدريان.
وأنت مش أدريان.
قلبي وقع.
أدريان نفسه اتراجع خطوة.
ناثان
اسمك الحقيقي إلياس مورغان.
سكت المكان كله.
بصيت للرجل اللي قدامي.
نفس العينين.
نفس الملامح.
لكن فجأة افتكرت الورقة اللي لقيتها.
إلياس مورغان.
الرجل اللي قالوا إنه مات.
قلت بصوت مبحوح
يعني أنت إلياس؟
هز رأسه.
لكن قبل ما أستوعب، كولين انهارت على أقرب كرسي.
أنا عملت كل ده عشان أحمي ابني.
صرخت
ابنك مين؟!
رفعت عينيها لي.
إلياس.
أدريان أو إلياس قفل عينيه.
وكولين بدأت تحكي.
من سبع سنين، إلياس كان شاهد على جريمة. جريمة كان ممكن تدمر عيلتنا كلها.
قلت
وعشان كده غيرتوا هويته؟
أيوه.
وخلتوني أفتكر إنه مات؟
سكتت.
صرخت
ليه أنا؟!
كولين بصتلي بعينين مليانة ذنب.
لأنك كنتِ الشخص الوحيد اللي ممكن يوصله.
حسيت ببرودة في جسمي.
يعني خطوبتي من أدريان كانت جزء من الخطة؟
كولين ما ردتش.
لكن إلياس قال
لأ.
بصيت له.
قال بصوت مكسور
حبيتك بجد.
دموعي نزلت.
يبقى ليه قتلتني وأنا عايشة؟
ما قتلتكيش.
لأ إنت دفنتني معاك.
سكت.
وفي اللحظة دي دخل رجل غريب غرفة العريس.
قرب من كولين وقال
الشرطة وصلت.
كولين اتوترت.
الشرطة؟ ليه؟
الرجل رد
لقوا قبر إلياس مفتوح.
اتجمدت.
قبر إلياس؟
الرجل بصلي.
أيوه.
ثم أضاف
والجثة اللي كانت فيه اختفت.
بصيت لأدريان.
بس إنت قلت إن إلياس هو اللي مات.
رد بصوت منخفض
أنا ما قلتش إنه مات.
وقتها فهمت إننا كنا بندور على الشخص الغلط طول الوقت.
لأن إلياس
ما كانش هو اللي اتدفن.
وفجأة موبايل ناثان رن.
رد.
وبعد ثواني، وشه اتغير.
قفل المكالمة وبصلي.
عندنا مشكلة أكبر.
إيه؟
قال
الجثة اللي اتدفنت باسم إلياس اتعرف عليها دلوقتي.
وسكت لحظة.
الجثة كانت لأدريان كولينز الحقيقي الجزء السادس
الكلمة وقعت عليّا كأنها طلقة.
جثة أدريان؟
بصيت لإلياس، أو الرجل اللي كنت أعرفه طول السنين باسم أدريان.
يعني الشخص اللي دفنته كان أدريان الحقيقي؟
هز رأسه ببطء.
أيوه.
رجعت خطوة لورا.
يبقى إنت مين؟
إلياس ما ردش.
ناثان هو اللي قال
هو إلياس مورغان. وأدريان كولينز كان أخوه غير الشقيق.
بصيت لكولين.
وإنتِ كنتِ عارفة إن ابنك الحقيقي مات؟
دموعها نزلت.
كنت عارفة.
وسكتّي؟
ما كانش عندي اختيار.
صرخت
كان عندك اختيار إنك تقوليلي الحقيقة!
كولين غطت وشها بإيديها.
لكن إلياس فجأة قال
هي ما كانتش تقدر.
بصيت له بغضب.
وإنت تقدر؟!
سكت.
قربت منه.
أنا حضرت جنازتك.
عارف.
عيطت عليك.
عارف.
عشت تلات شهور وأنا فاكرة إن الإنسان الوحيد اللي حبيته مات.
غمض عينيه.
وعارف كل ده.
ضربته بكلامي
يبقى إنت أسوأ منهم كلهم.
ما ردش.
لأن الحقيقة كانت أقسى من أي دفاع.
بعد دقائق، ناثان خدني لمكتب صغير بعيد عن القاعة.
قفل الباب، وحط قدامي ملف بني قديم.
ده كل اللي نعرفه.
فتحته.
أول ورقة كانت شهادة ميلاد.
إلياس مورغان.
الورقة التانية
أدريان كولينز.
ثم صور قديمة لأدريان وإلياس وهما أطفال.
قلت
كانوا إخوات؟
من ناحية الأم.
وكولين؟
ناثان قال
كولين كانت متزوجة دانيال مورغان، والد إلياس. وبعد وفاته اتجوزت رجل اسمه فيكتور كولينز والد أدريان.
اتسمرت.
يعني الاتنين إخوات فعلًا.
أيوه.
قلبت الصفحات.
وفي آخر الملف لقيت صورة للحادث.
العربية المحطمة.
والجثة.
لكن كان فيه تقرير تاني تحتها.
قرأته.
يُشتبه في أن الحادث لم يكن عرضيًا.
رفعت عيني لناثان.
يعني أدريان اتقتل؟
هز رأسه.
أيوه.
ومين قتله؟
ناثان سكت.
وبعدين قال
الشخص اللي أمر بقتله هو نفس الشخص اللي كان عايز إلياس يموت بعده.
قلبي دق بسرعة.
مين؟
قبل ما يرد، سمعنا صوت ارتطام قوي برا المكتب.
فتح ناثان الباب.
الممر كان فاضي.
لكن على الأرض كان فيه ظرف أبيض.
فتحه.
جواه صورة حديثة.
صورة ليا وأنا خارجة من بيتي الصبح.
وتحتها جملة
كان المفروض تفضلي بعيدة دلوقتي دورك جه.
اتجمدت.
ناثان بصلي.
ثم قال
لازم تخرجي من هنا فورًا.
لكن قبل ما نتحرك، سمعنا صوت رصاصة من قاعة الزفاف.
صرخت.
جريت ناحية القاعة.
ولما دخلت
لقيت كولين واقعة على الأرض.
والدم بينزف من كتفها.
أما إلياس فكان واقف قدامها، ماسك مسدس، وعينيه مليانة صدمة.
والعروسة صوفيا
كانت واقفة في آخر القاعة.
بتضحك الجزء السابع
صرخت أول ما شفت كولين على الأرض
ماما!
إلياس كان واقف جنبها، وإيده مرفوعة، لكن المسدس ما كانش فيها.
بصيت حواليه.
المسدس كان واقع على الأرض بعيد عنه.
قلت
إنت اللي ضربتها؟
هز رأسه بسرعة.
لأ!
لكن قبل ما يكمل، صوفيا بدأت تضحك.
ضحكة هادية، باردة، خلت كل الموجودين يبصوا لها.
قالت
أخيرًا الحقيقة ظهرت.
بصيت لها.
إنتِ عملتي كده؟
مشت ناحيتنا ببطء.
أنا اللي رتبت كل حاجة.
ناثان وقف قدامي.
متقربيش منها.
صوفيا ابتسمت.
لسه بتحميها يا ناثان؟ بعد كل اللي حصل؟
سألها إلياس
إنتِ قتلتي أدريان؟
اختفت ابتسامتها.
أدريان كان لازم يموت.
اتجمدت.
ليه؟
بصتلي مباشرة.
لأنه كان هيكشفنا.
يكشف إيه؟
صوفيا ردت
إن إلياس ما ماتش.
نظرت لإلياس.
ثم لها.
بس إنتِ قلتي إن إلياس مات.
قالت
لأن ده اللي كان لازم الكل يصدقه.
ناثان صرخ
صوفيا، انتهى الموضوع!
ضحكت.
لأ لسه ما بدأش.
وبعدين أشارت ناحيتي.
هي لسه ما تعرفش أهم حاجة.
حسيت بالخوف.
إيه؟
قالت
الشخص اللي كان في التابوت مكان إلياس ما كانش أدريان.
سكت الجميع.
بصيت لناثان.
إنت قلت إن الجثة لأدريان.
هز رأسه.
ده اللي اكتشفناه في البداية.
صوفيا قالت
بسهم غلطوا.
قربت مني وهمست
لأن الجثة الحقيقية لأدريان لسه ما اتلاقتش.
إلياس اتوتر.
صوفيا
قالت
أدريان حي.
اتجمدت.
إيه؟
كملت
الشخص اللي دفنتوه كان شخص تاني اتقتل عشان يخليكم تصدقوا إن أدريان مات.
بصيت لإلياس.
يبقى أدريان الحقيقي فين؟
صوفيا ابتسمت.
قريب منك جدًا.
وفجأة، باب القاعة اتفتح.
دخل رجل طويل، لابس بدلة سوداء.
كل الموجودين سكتوا.
الرجل وقف عند الباب.
ورفع عينيه ناحيتي.
أنا ما عرفتش أتحرك.
لأنني أعرف الوجه ده.
كنت شوفته قبل كده.
في الصور.
في ذكرياتي.
وفي يوم الجنازة
كان واقف بعيد عن التابوت.
أدريان.
لكن المرة دي
كان حي.
وقال بهدوء
كفاية كذب يا صوفيا.
ثم بص لإلياس وقال
حان الوقت تعرف مين قتل أبونا الحقيقي الجزء الثامن
فضلت باصة لأدريان وأنا مش قادرة أصدق.
الرجل اللي قدامي كان نسخة من الشخص اللي حبيته.
لكن عينيه كانت مختلفة.
أدريان الحقيقي قرب خطوة وقال
أنا ما متّش في الحادث.
إلياس بص له بذهول.
يبقى مين اللي كان في العربية؟
أدريان رد
إلياس لازم تعرف إن الحادث ما كانش مستهدفك إنت.
سكت لحظة.
كان مستهدفني أنا.
صوفيا