حماتــي كانــت بتعامــل ضرتــي كأنها ملكــة، وأنــا كأنــي خدامــة… بقلم مني السيد
حماتي كانت بتعامل ضرتي كأنها ملكة، وأنا كأني خدامة لحد يوم ما احتاجت حاجة محدش قدر يعملها غيري....
اسمي هناء متجوزة من محمود بقالي 11 سنة.
وعندي ولدين...طول عمري كنت ست بيت بسيطة.
أصحى بدري...أطبخ...أنضف...وأشيل البيت كله فوق دماغي من غير ما أشتكي.
لكن كل ده ماكانش كفاية عند حماتي.
الحاجة أم محمود كانت شايفة إني عادية.
مفيش فيا حاجة مميزة.
أما ضرتي، سمرفكانت بالنسبة لها معجزة نازلة من السما.
من يوم ما محمود اتجوزها بعدي ب سنين، والدنيا اتقلبت.
لو سمر عملت صينية مكرونةتبقى أشطر ست في الدنيا.
ولو أنا عملت عزومة كاملة ل شخص
يبقى ده واجبك.
لو سمر اشترت هدية بسيطةتقعد تحكي عنها شهر.
ولو أنا دفعت مصاريف المدرسة أو ساعدت في علاج حد
ولا كأن حاجة حصلت.
لدرجة إن حماتي كانت قدام الناس تنادي سمر
بنتي.
أما أنافكانت تقولمرات ابني الأولى.
كأن اسمي نفسه بقى تقيل عليها. كنت بزعل.
أكيد لكن كنت ساكتة عشان ولادي.
وعشان ما أخربش البيت وفي المقابلسمر كانت عايشة ملكة...حماتي بتطبخلها...وتنضفلها.
وتروح تقعد عندها بالأيام...أما أنا
فلو تعبت يوم واحد بس، أسمع
إحنا زمان كنا بنولد ونقوم نخبز.
مرت السنين على الحال ده لحد ما جه اليوم اللي غير كل حاجة.
في ليلة شتوية...رن تليفوني الساعة 2 الفجر.
صحيت مفزوعة...لقيت رقم محمود.
رديت بسرعة...صوته كان متوتر جدًا.
قال
الحقينا
قلبي وقع...مهما حصل بينادي في الآخر ست كبيرة.
جريت لبست وطلعت...وصلت المستشفى.
ولقيت الدنيا مقلوبة...حماتي كانت محتاجة إجراء طبي عاجل...والدكاترة بيسألوا على حد يتصرف بسرعة.
بصيت حواليّا....لقيت سمر قاعدة في الركن بتعيط.
ومحمود تايه...وباقي العيلة واقفين مش عارفين يعملوا إيه.
أول ما شافتني حماتيمسكت إيدي.
أول مرة...من سنين...وقالت بصوت ضعيف
متسيبينيش يا هناء.
ساعتها حسيت بحاجة غريبة...لأن نفس الست اللي كانت شايفاني خدامةدلوقتي بتدور عليا أنا.
مش على سمر...ولا على أي حد تاني.
الساعات اللي بعدها كانت صعبة.
أوراق....موافقات....تحليل...وأطباء.
وكل شوية حد يقول
لازم حد مسؤول يقرر.
وسمر كانت كل ما حد يسألها حاجة تقول
اسألوا هناء هي فاهمة أكتر.
وقتها بسبدأت أفهم الحقيقة.
كل السنين اللي فاتتحماتي كانت بتحب المظاهر.
والكلام الحلو...لكن وقت الشدة
أول اسم نطقت بيه كان اسمي أنا.
وبعد العملية بيومينطلبت تشوفني لوحدي.
دخلت أوضتها...لقيتها بتبصلي بطريقة عمري ما شفتها قبل كده....وقالت أنا ظلمتك.
سكت...افتكرت إني يمكن سمعت غلط.
لكنها كملت
كنت فاكرة إن اللي بيضحك في وشي هو اللي بيحبني وطلعت غلطانة.
وفي اللحظة ديفتحت درج الكومودينو جنبها.
وطلعت ظرف كبير.
وحطته في إيدي.
وقالت
الظرف ده كنت ناوية أديه لحد تاني لكن بعد اللي حصل، غيرت رأيي.
بصيت للظرف...وبعدين بصيتلها.
ولما فتحتهاتجمدت مكاني...لأن اللي جواه ماكانش فلوس.
ولا دهب...كان شيء لو عرفته سمرمستحيل تسكت عليه أبدًا...وفي نفس اللحظةاتفتح باب الأوضة ووو....
افى واحد ليه فتره كل يوم يبعتلي على صفحتى الفيس بحبك واديني فرصه وانا هثبتلك اني كويس دخلت عنده لقيته متجوز ومراته بتعلق عنده دخلت كلمت مراته عشان تاخد بالها وتخلى بالها من جوزها لقيتها بتقولى تلاقيكي انتي اللي فتحتي معاه كلام وبعتيله صورك قولتلها قولتلها انا غلطانه قالتلي اتربي ودخلت عندي كلمت جوزى وبعتتله قالتله شوف مراتك اللي بتخطف الرجاله وحصل مشكله بينى وبين جوزى وطلقنى
قولت ماشى كلمت جوزها واديته رقمى وكل يوم بقا فى بينا كلام لغايه لم حبينا بعض
الحكاية بدأت برسالة مجهولة على صفحتي الشخصية على الفيس بوك، كلام من نوعية أنا متابعك من فترة ومش قادر أخبّي.. بحبك واديني فرصة واحدة بس وأنا هثبتلك إني إنسان كويس وشاري. فى الأول كنت بنفض ومبرودش، قولت عيل مراهق وبكره يزهق، لكن الموضوع زاد عن حده.. بقى كل يوم، فى نفس الميعاد، يبعت رسايل ورا رسايل، كأنه مفيش وراه غيري.
الفضول قتلني.. دخلت على صفحته أشوف مين ده اللى ملوش لغوة غيري. الصدمة كانت لما لقيت صورته لابس دبلة، والأدهى إن مراته منزلة صورهم سوا وكاتبة كلام حب وعشق، والبروفايل كله بيبان إنه بيت مستقر وسعيد.
دخلت لمراته الخاص، بعت لها بكل أدب واحترام يا فندم، أنا معرفكيش، بس جوزك بقاله فترة بيبعتلي كلام مش تمام، وأنا حبيت أنبهك بس عشان تخلي بالك منه وتحافظي على بيتك.
كنت فاكرة إنها هتشكرني، أو على الأقل هتقدر إني حاميت غيبتها. لكن الرد اللى جالي كان زي قلم على وشي. لقيتها بتكتبلي بغل وعمى ألوان تلاقيكي أنتِ اللي طالعة في المقدر الجديد.. أنتِ اللي فتحتِ معاه كلام وبعتِ له صورك عشان تجريه! أشكال زبالة وعايزة تخرب البيوت العامرة.
دمي غلي، رديت عليها بكسرة نفس أنا غلطانة إني فكرت فيكي وفي بيتك.
راحت قايلالي كلمة نزلت عليا زي الصاعقة اترّبي الأول وبعدين تعالي انصحي أسيادك.
انقلاب السحر على الساحر
الموضوع مخلصش لحد هنا، الست دي طلعت حية بتنفث سمها. دخلت تفتش في صفحتي لحد ما عرفت حساب جوزي حسام. بعتت له رسايل على الخاص، مسمومة ومليانة كدب، وارفقت مع كلامها اسكرينات مقصوصة ومتعدلة من كلام جوزها معايا، وكتبت له شوف هانمك المصونة اللي بتلف على الرجالة المتجوزة وبتخطفهم من بيوتهم.. لم مراتك بدل ما أفضحها في وسط منطقتكم.
حسام جوزي راجل شرقي ودبحه ولا كرامته. دخل عليا الأوضة وعينيه بتطق
حاولت أشرح له، قولت له والله
