— أنا ماشي عند أمي شوية لحد ما تعرفي قيمتي كويس!

إنتوا هنا ليه؟!
عماد ضحك كريم عزّمنا. قال أقل واجب نودع صاحبة الشقة الأسطورية 
كريم حك رقبته بإحراج بصراحة بعد ما عرفتهم اكتشفت إنهم ألطف من نص قرايبي.
وفجأة التوأم طلعوا يجروا حوالين نادية طنط دبيييي! جبتي شوكولاتة؟ 
طلعت من شنطتها كيس كبير جبتهالكوا طبعًا.
في اللحظة دي، الحاجة سامية ظهرت من بعيد 
لابسة عباية شيك ونضارة شمس كبيرة بشكل مبالغ فيه، وماشية بثقة نجمة داخلة مهرجان الجونة.
نادية همست هي جاية كمان؟!
كريم قال بسرعة والله دي جت لوحدها 
الحاجة سامية قربت، وبصت لنادية شوية.
الكل سكت مترقب.
وفجأة قالت حمد لله على السلامة يا بنتي.
نادية رمشت باستغراب.
الحاجة سامية كملت وهي بتطلع علبة صغيرة جبتلك هدية من عندي.
فتحتها
سلسلة رقيقة جدًا فيها تعليقة صغيرة على شكل فوطة 
نادية انفجرت ضحك.
حتى كريم وقع على الشنط من الضحك.
الحاجة سامية زعقت ما تضحكوش! ده رمز لبداية جديدة 
ومن وسط الضحك والزحمة والنباح وصوت الأطفال
بص كريم لنادية بهدوء وقال نرجع البيت؟
بصتله شوية
وبعدين ابتسمت نرجع
بس المرة دي البيت يبقى بيتنا إحنا مش فرع تابع للحاجة سامية 
الحاجة سامية سمعت الجملة، ورفعت إيديها خلاص يا ستي!
أنا هتدخل بس لو علّقتوا الفوط غلط 
كلهم ضحكوا 
وبين الضحك ده
كانت أول مرة فعلًا يحسوا إنهم بقوا عيلة حقيقية