جوزى سابنى من 8 شهور و اتجوز واحده تانيه ، و بعد وفاة اهلى رجع بكل بحاجه يقولى انا ليا حق فى الورث اللى اهلك سابوه..

حست الأرض بتميد بيها.
رفعت عينيها لأحمد بصدمة إنت زورت إمضتي؟!
أحمد سكت
والسكوت كان أبشع من أي اعتراف كامليا رجعت خطوة لورا كأنها أول مرة تشوفه بجد.
الراجل اللي عاش معاها 7 سنين
اللي كانت بتبرر عصبيته، وتكذب على نفسها كل مرة يهينها فيها
طلع مستعد يسرقها كمان.
أحمد حاول يقرب منها بسرعة اسمعيني بس الموضوع مش زي ما إنتِ فاهمة.
كامليا بصتله بذهول في حاجة أسوأ من إني ألاقيك مزور إمضتي بعد موت أهلي؟!
سهر بدأت تتراجع ناحية الباب بخوف واضح أنا ماليش دعوة بالكلام ده
لكن الظابط وقفها وحضرتك كمان محتاجة تتفضلي معانا.
اتخضت أنا؟!
الظابط فتح ورقة وبص فيها في تحويلات نزلت على حساب باسمك بمبالغ كبيرة خلال آخر شهرين.
أحمد لف عليها بعصبية إنتِ اتجننتي؟! قولتلك ماتحركيش الفلوس!
سهر صرخت فيه أمال كنت فاكرني هخاطر عشانه ببلاش؟!
وهنا
كل الأقنعة وقعت مرة واحدة.
كامليا كانت واقفة وسطهم، حاسة إن قلبها بيتسحب من مكانه.
إزاي عاشت وسط القذارة دي كلها وماشافتش؟
الظابط قرب من أحمد يا أستاذ أحمد، ياريت تتفضل بهدوء.
أحمد فقد أعصابه فجأة، زق الظابط بعنف وجرى ناحية باب الفيلا.
لكن أول ما فتح الباب
وقف مصدوم.
عربيتين شرطة كانوا واقفين برا، والبوابة مفتوحة، والجيران متجمعين بيتفرجوا.
لأول مرة
أحمد حس بالإهانة اللي كان بيديها لغيره.
الظباط مسكوه بسرعة، وهو بيزعق كامليا! قسماً بالله بحبك! هما بيوقعوني!
الناس كلها بصت عليها.
كان سهل جدًا تضعف.
سهل تفتكر أيام الحب القديمة، أول هدية، أول سفرية، ضحكهم زمان
لكن الوجع لما بيتكرر، بيقتل الحنين.
كامليا مسحت دموعها وقالت بهدوء اللي بيحب حد ما يكسروش.
أحمد اتسحب ناحية العربية وهو بيصرخ باسمها.
وسهر كانت منهارة على الكنبة، بتحاول تبرر أي حاجة لأي حد.
أما كامليا
فقعدت أخيرًا على الكرسي بعد ما البيت فضي.
الهدوء رجع.
بس كان هدوء مختلف.
أستاذ فريد قرب منها وحط قدامها ظرف أبيض والدك سابهولك. وقالي مايتفتحش إلا لو حصل حاجة.
إيديها كانت بتترعش وهي بتفتح الظرف.
جواه جواب بخط أبوها.
بنتي كامليا
لو بتقري الرسالة دي، يبقى أنا وأمك مش موجودين جنبك، بس أوعدك إننا عمرنا هنسيبك لوحدك.
أنا عارف أحمد كويس وعارف إنه هيظهر وقت الفلوس. عشان كده حميت حقك قبل ما أمشي.
بس أهم حاجة يا بنتي ماتخليش كسرتك تخلي قلبك ضعيف قدام اللي أذاكي.
إنتِ أغلى حاجة في عمرنا كله.
الجواب وقع من إيدها وهي بتعيط لأول مرة من قلبها.
مش بس على موتهم
لكن على نفسها.
على السنين اللي ضاعت وهي بتحاول ترضي شخص عمره ما استحقها.
وفجأة، وسط العياط
تليفونها رن.
رقم غريب.
ردت بصوت مكسور ألو؟
صوت ست كبيرة جه متردد حضرتك مدام كامليا؟
أيوه.
الست سكتت ثواني وبعدين قالت أنا والدة سهر وبنتي اختفت من ساعة ما خرجت من عندك كامليا مسحت دموعها بسرعة وقعدت مستقيمة.
اختفت إزاي يعني؟
صوت الست كان بيرتعش تليفونها مقفول ومارجعتش البيت. آخر مرة كلمتني كانت بتعيط وبتقول إن أحمد ضحك عليها.
أستاذ فريد أشار لكامليا ماتدخلش نفسها.
لكن كان في إحساس تقيل بدأ يكبر جواها.
سألت بهدوء آخر مرة شافها حد كانت إمتى؟
بعد ما خرجت من عندك بنص ساعة تقريبًا.
الخط اتقطع بعد ما الست فضلت تعيط وتدعي عليها وعلى بنتها وعلى أحمد في نفس النفس.
كامليا قفلت الموبايل ببطء.
المحامي قال بجدية إحنا مالناش دعوة. دي مشكلة بينهم.
لكن قبل ما ترد
تليفونها وصلته رسالة مجهولة.
فيديو.
إيديها بردت وهي بتفتحه.
الصورة كانت مهزوزة، كأن حد بيصور بالموبايل بسرعة.
مكان ضلمة صوت نفس عالي
وفجأة ظهر أحمد.
كان بيزعق بعصبية إنتِ السبب في كل اللي حصل!
وصوت سهر وهي بتعيط أنا عملت كل اللي طلبته!
الفيديو وقف فجأة.
وفي آخر ثانية ظهر شيء خلّى الدم يتجمد في عروق كامليا
لوحة عربية أحمد.
أستاذ فريد خطف الموبايل من إيدها لازم نبلغ فورًا.
بعد ساعة، الشرطة كانت بتفتش جراج قديم في أطراف المدينة يملكه واحد من أصحاب أحمد.
كامليا كانت قاعدة في العربية برا، قلبها بيدق بعنف.
هي بتكره سهر
لكن فكرة إن حد ممكن يكون أذاها كانت مرعبة.
فجأة، صوت دوشة وناس بتجري.
باب الجراج اتفتح بعنف.
وظابط خرج وهو بيزعق هاتوا إسعاف!
كامليا نزلت من العربية بدون تفكير.
وشافت سهر.
قاعدة على الأرض، هدومها متبهدلة ووشها مليان دموع، لكن عايشة.
أول ما شافت كامليا، انهارت أكتر.
أنا آسفة والله ماكنتش أعرف إنه مجنون كده.
كامليا فضلت واقفة مكانها، مش قادرة حتى ترد.
الظابط قرب منهم وقال أحمد هرب قبل ما نوصل بدقايق.
أستاذ فريد شتم بضيق يعني إيه هرب؟!
الظابط رد واضح إن كان في حد بيحذره بتحركاتنا.
وفجأة
موبايل كامليا رن.
رقم أحمد.
الكل بص لها.
ردت ببطء، وحطت السماعة على الاسبيكر.
صوته كان هادي بشكل مرعب مبسوطة دلوقتي؟
كامليا حاولت تثبت صوتها إنت فين يا أحمد؟
ضحك ضحكة قصيرة مخيفة عارفة إيه أسوأ حاجة؟ إني ضيعت عمري مع واحدة عمرها ما قدرتني.
الظابط أشار بسرعة يتتبعوا المكالمة.
كامليا قالت بغضب إنت اللي دمرت كل حاجة بنفسك!
ثواني صمت عدت
وبعدين أحمد قال الجملة اللي خلت كل اللي واقفين يتجمدوا
لو أنا هقع مش هقع لوحدي.
وفي نفس اللحظة
صوت انفجار ضخم هز الجراج كله الانفجار رمى الكل على الأرض.
كامليا حست ودنها بتصفر، والتراب مالي الهوا، وصوت صريخ الناس مخلوط بصفارات العربيات.
أستاذ فريد شدها بسرعة بعيد عن الجراج وهو بيزعق ابعدي!
النار بدأت تطلع من الجزء الخلفي للمبنى، والدخان الأسود غطى المكان.
سهر كانت بتصرخ بهستيريا أحمد! أحمد كان جوه!
الظباط جريوا ناحية النار، وناس الإطفاء وصلت في ثواني.
كامليا كانت واقفة مصدومة، قلبها بيدق بعنف وهي بتحاول تستوعب.
هو فجّر المكان؟
ولا كان حد عايز